Maqolalar

Nevrolog qabuli — Doctor Hasan Medical Center, Toshkent

Migren va surunkali bosh og'riq: sabablari va davolash

Bosh og'rig'ini deyarli har bir odam boshdan kechiradi. Ammo og'riq tez-tez qaytalansa, kuchli bo'lsa yoki hayot sifatini buzsa — bu shunchaki charchoq emas. Doctor Hasan Medical Center nevrologlari migren va surunkali bosh og'rig'i haqida, ularni qanday farqlash va davolash haqida so'zlab beradi.

Migren nima?

Migren — bu oddiy bosh og'riq emas, balki alohida nevrologik kasallik. Uning belgilari:

  • Bir tomonlama, lo'qillovchi og'riq — bir necha soatdan 3 kungacha davom etadi;
  • Ko'ngil aynishi, ba'zan qusish;
  • Yorug'lik va tovushga sezuvchanlik;
  • Ba'zilarda xurujdan oldin «aura» — ko'z oldida chaqnashlar, dog'lar.

Surunkali bosh og'riq qachon deyiladi?

Agar bosh og'rig'i oyiga 15 kundan ko'p, 3 oydan beri davom etsa — bu surunkali holat. Eng ko'p sabablari: zo'riqish og'rig'i (stress, uyqusizlik, kompyuterda uzoq ishlash), migrenning surunkalashuvi va og'riq qoldiruvchilarni haddan ortiq ichish.

Qachon zudlik bilan shifokorga?

  • «Hayotimdagi eng kuchli og'riq» — to'satdan boshlangan bo'lsa;
  • Og'riq harorat, ko'ngil aynish va bo'yin qotishi bilan kelsa;
  • Gapirish, ko'rish yoki harakatда buzilish qo'shilsa;
  • 50 yoshdan keyin birinchi marta kuchli og'riq boshlansa.

Diagnostika: Doctor Hasan'da

  • Nevrolog ko'rigi — og'riq turini aniqlash (bu eng muhim bosqich);
  • Zarur bo'lsa — EEG va qo'shimcha tekshiruvlar;
  • Qon bosimi va laborator tahlillar nazorati.

Davolash

Migren to'g'ri tanlangan dori va turmush tarzini o'zgartirish bilan yaxshi nazorat qilinadi: xurujni to'xtatuvchi va oldini oluvchi terapiya, uyqu rejimi, triggerlarni (ochlik, stress, ba'zi mahsulotlar) aniqlash. Muhimi — og'riq qoldiruvchini o'zboshimchalik bilan muntazam ichmaslik: bu og'riqni kuchaytiradigan «dorili bosh og'riq»qa olib keladi.

Doctor Hasan Medical Center'da nevrologiya

Klinikamizda tajribali nevrologlar bosh og'rig'ining aniq sababini topib, individual davolash rejasini tuzadi. Og'riqqa chidab yashamang — u davolanadi. Qabulga telefon yoki sayt orqali yoziling.

Ushbu yo'nalish shifokorlari

Maxkamova Madina Maxkamovna
Maxkamova Madina Maxkamovna
Nevrolog
Po'latova Muqaddas Xalilovna
Po'latova Muqaddas Xalilovna
Nevrolog
Saytni ishlab chiqdi — KLINIKI.UZ