Maqolalar

Teri toshmasi va akne — Doctor Hasan Medical Center, Toshkent

Teri allergiyasi va toshmalar: sabablari va davolash

Terida qizarish, toshma yoki qichishish paydo bo'lsa, ko'pchilik "o'zi o'tib ketar" deb malham surtadi. Ba'zan haqiqatan o'tib ketadi, ba'zan esa allergiya yoki jiddiyroq teri kasalligining belgisi bo'ladi. Doctor Hasan Medical Center dermatologi teri toshmalari va allergik reaksiyalar haqida so'zlab beradi.

Teri toshmasi nima haqida gapiradi?

Teri — organizmning eng katta a'zosi va ko'pincha ichki holatning "oynasi". Toshma allergiyadan tortib infeksiya, gormonal yoki ichki a'zolar muammosigacha turli sabablardan kelib chiqishi mumkin. Shuning uchun uni "shunchaki toshma" deb qarash to'g'ri emas.

Eng ko'p uchraydigan turlari

  • Eshakyemi (krapivnitsa) — to'satdan chiqadigan qizil, qichiydigan dog'lar;
  • Allergik dermatit — biror narsaga tegishdan (kimyoviy vosita, metall, kosmetika);
  • Ekzema — surunkali, quruq va qichiydigan teri;
  • Akne (husnbuzar);
  • Zamburug'li va infeksion toshmalar.

Allergiyaning sabablari

  • Ovqat mahsulotlari;
  • Dori vositalari;
  • Kimyoviy vositalar, kosmetika, metall (nikel);
  • O'simlik changi, uy chang-o'toqlari;
  • Hasharot chaqishi.

Qachon zudlik bilan shifokorga?

  • Toshma tez tarqalib, butun tanani egallayotgan bo'lsa;
  • Lab, til yoki tomoq shishsa, nafas qisilса — bu hayot uchun xavfli holat (anafilaksiya), tez yordam chaqiring!
  • Toshma harorat bilan birga kelsa;
  • Yiringlash, og'riq paydo bo'lsa;
  • Toshma uzoq davom etsa yoki qaytalansa.

Tashxis va davolash: Doctor Hasan'da

  • Dermatolog ko'rigi — toshma turini aniqlash;
  • Zarur bo'lsa — allergiyaga va infeksiyaga tahlillar;
  • Sababni aniqlab, individual davolash (mahalliy va umumiy);
  • Allergiyada — allergen bilan kontaktni bartaraf etish bo'yicha maslahat.

Muhimi: toshmani o'zicha gormonal malhamlar bilan davolash ba'zan holatni yomonlashtiradi — avval sababni aniqlash kerak.

Doctor Hasan Medical Center'da dermatologiya

Klinikamizda tajribali dermatolog, laboratoriya va boshqa mutaxassislar bir joyda — toshma sababini aniqlab, samarali davolashni tanlaymiz. Terini "shunchaki" deb o'tkazib yubormang — u ko'pincha muhim signal beradi. Qabulga telefon yoki sayt orqali yoziling.

Ushbu yo'nalish shifokorlari

Sherzod Shuxratovich Kxonxodjayev
Sherzod Shuxratovich Kxonxodjayev
Dermatolog
Saytni ishlab chiqdi — KLINIKI.UZ